Në ditën kur e gjithë bota festonte ditëlindjen e Amerikës, edhe aktorja e njohur e telenovelave spanjolle, Angelique Boyer, ka festuar 29-vjetorin e lindjes. Me shumë urimeve të miqve në profilin e saj në Instagram, natyrisht më i bukuri dhe më romantiku i vjen nga partneri i saj, Sebastian Rulli. Duke postuar foton e aktores bukuroshe me krahë engjëlli në profilin e tij, Sebastian shkruan ndër të tjera: “Je ajo që ëndërroj ҫdo minutë në jetë. Ajo që më bën të ëndërroj gjatë natës e që më dhuron buzëqeshje… atë që dua ta kem përjetë. Gëzuar ditëlindjen engjëlli im, dashuria ime. Dëshiroj me gjithë shpirt që të gjitha dëshirat e tua të bëhen realitet, sot e përgjithmonë. Të dua…”
Ndërsa sot është radha e saj ta urojë partnerin me rastin e 42-vjetorit të lindjes: “Dashuria e jetës sime, gëzuar ditëlindjen. Ky është një vit i mbarë. Dëshiroj me gjithë zemër të të shoh të realizosh dëshirat e tua më të mëdha. Dhe që jeta të të surprizojë me gjëra të mrekullueshme. Ndihem gruaja më fatlume në krahun tënd. Sepse je besnik, i pashëm, pozitiv, i dashur, i përkushtuar. Faleminderit që më bëre pjesë të jetës sate. Të dua dashuria ime…”
Urimet nga fansat e dy aktorëve janë të panumërta në profilet e tyre sociale. Ҫifti, për momentin po shijojnë pushimet së bashku pas një sezoni të gjatë me xhirimet e projekteve televizive./Class
