Nëse ju shqetëson fakti se në verë në televizor nuk ke çfarë sheh, sivjet nuk do e kemi këtë problem. “Televizioni Publik Shqiptar” do të nisë prej të hënës një transmetim maratonë që me siguri do të bëjë për vete teleshikuesit, me programin e ri të pasdites. Ky emision do të drejtohet jo nga një por nga 5 moderatorë, të cilët janë secili “zot” në ditën e tij. Erjona Rusi, Balina Bodinaku, Erjona Shehu, Estela Ujka dhe Eraldo Rexho do të shoqërojnë pasditet verore të shqiptarëve me një program i cili që këtu, duket se do të jetë ndryshe. Me shumë gjasë pasditja e re e “TVSH”-së do të vazhdojë edhe në shtator me sezonin e ri, ndonëse është menduar të nisë pikërisht kur të tjerët po e mbyllin. Në ekran po rikthehen disa figura që i kanë munguar televizionit këto vite si Bodinaku, Shehu e Ujka, ndërsa Erjona Rusin për herë të parë do e shohim në një studio ndryshe nga ajo e lajmeve. Pritet të kemi të ftuar të mirë e biseda interesante nga secili… Të shohim./ revistawho.com
https://www.youtube.com/watch?v=v9pQlZI8-DM
