Këngëtarja Bleona Qereti ka bërë një dhuratë të veçantë me rastin e festës së fëmijëve. Artistja ka dhuruar gjak, në ndihmë të fëmijëve talasemikë. Ajo gjithashtu ka bërë thirrje që të gjithë të japin kontributin e tyre. “Ky ishte 1 Qershori im, në ndihmë të kauzës për fëmijët talasemikë. Nëse të gjithë fëmijët në botë kërkojnë në këtë ditë dhurata, fëmijët talasemikë e vetmja gjë që kërkojnë është gjaku… Kjo është më e pakta që mund të bëjmë për ta, ndaj ndihmo edhe ti, dhuro gjak në dy ditët e ardhshme për fëmijët e sëmurë pranë Klinikës Keit! Gezuar 1 qershorin”, ka shkruar Bleona.
