Më 24 nëntor 2024, nga ora 10:00 deri në 12:00, në hollin e Teatrit “Migjeni”, do të mbahet një ceremoni përkujtimore në nder të aktorit të madh Zef Deda.
Jul Deda e bëri të ditur këtë përmes një postimi prekës në rrjetet sociale ku ftoi të gjithë ata që kanë kohë dhe dëshirë të jenë pjesë e kësaj ngjarjeje.
“Pa merak, Bos, nuk do bëj rrëmujë. Duam të të kujtojmë ashtu siç e meriton: qetë, bukur, pastër dhe me lezet,” shkruan Juli.
Më poshtë është mesazhi i tij i plotë:
“Zemra jeme. Te Dielen behet 1 vit qe s’jena perqafu, qe s’te kam afer fizikisht, sepse ti je cdo dite me mua, ne mendje, ne shpirt, ne gene. Hej Bos, te Dielen, do mblidhemi tek shtepia jote e dyte, ne Teatrin “Migjeni”, dhe do te te kujtojme ashtu sic ti na e le amanet. Ti the “ju du t’qeshun” dhe ne ashtu do te te kujtojme. Madje dua te ftoj kedo qe ka kohe dhe deshire, te jete i pranishem ne kete perkujtimore. Pa merak Bos nuk do bej rremuje, duam te te kujtojme ashtu sic e meriton, qete, bukur, paster dhe me lezet. Nje Zot e di sa me ka marre malli..! Te du fort zemra jeme..!”
