Një vit më parë, këngëtarja e dashur Anjeza Shahini është bërë nënë për herë të parë. Ajo solli në jetë vajzën e saj, Viktorian, të cilës me përkëdheli i thërret Tori. Vogëlushja ka festuar mbrëmë 1-vjetorin dhe sot ditën e pagëzimit, ndaj Anjeza është kujdesur që t’i organizojë një festë në natyrë mjaft të veçantë, me tollumbace dhe shumë bukur të arreduar. Ajo ka publikuar një foto me Torin e vogël, duke shkruar disa fjalë zemre. “Shtatzëni e shkurtër, por një vit i mbushur me dashuri. Sot festuam ditën e pagëzimit të Torit, së bashku me ditëlindjen e parë të saj që ishte dje. Ishte një ditë shumë e bukur, faleminderit të gjithë juve që na e bëtë dhe më të bukur me prezencën tuaj dhe që kënduat ‘Shumë urime për ty’ në dy gjuhë’, shkruan këngëtarja. Kujtojmë se Shahini jeton prej kohësh në Angli, duke qenë se është e martuar me diplomatin anglez Paul Edward Conolly.
https://www.instagram.com/p/B6HFBP1p0qu/?igshid=1v5a0btkh31fl
