Pranvera Borakaj, një nga figurat më të njohura të “Vizion Plus” ditën e sotme feston 1-vjetorin e lindjes së vajzës së saj, Ana.
Për të shprehur emocionet e forta që i shkakton kjo ditë ajo ka zgjedhur profilin e saj në ‘Instagram’, ku ka publikuar foton nga momenti e parë që ka takuar vajzën, menjëherë pas lindjes. “Emocionet më të forta në jetë”,-shkruan Pranvera krahas fotos në fjalë.
Ndërsa disa orë më parë ajo ka publikuar letrën që ka shkruar pak orë para se të sillte në jetë Anën. “Të kam dashur, ëndërruar dhe pritur pafund. E ja tani kur na ndajnë vetëm pak orë, më beso që gropa në stomak po më përpin. Nuk e di si mund të jem e mpirë dhe plot me plot me emocione njëkohësisht”,-janë pak nga fjalët e shkruara prej saj.
Kujtojmë se Pranvera është moderatore e emisionit të mëngjesit “7 pa 5” dhe spikere lajmesh në Vizion Plus./revistawho.com
