Gigi Hadid është një nga modelet më të njohura dhe më të paguara në mbarë botën. Emrin e saj e kemi parë në pasarelat e markave më të njohura në Milano dhe New York. 24-vjeçarja shpesh herë është bërë dhe imazhi i kompanive të ndryshme në Shtetet e Bashkuara të Amerikës. Më poshtë ju sjellim 10 detaje sipas ‘Eonline’, të cilat duhet t’i mbani mend kur bëhet fjalë për Hadid:
- Gigi Hadidi ka lindur në 23 prill të vitit 1995 nga Yolanda Hadid dhe biznesmeni palestinez, Mohamed Hadid.
- Prindërit e saj u divorcuan në vitin 2000. Yolanda u zhvendos me tre fëmijët e saj në Montecito Calif. Në vitin 2010 ata u zhvendosën në Malibu.
- Gigi e ka nisur modelimin në moshën 4-vjeçare për ‘Baby Guess’, pasi mamaja e saj Yolanda ishte mike e ngushtë me krijuesin e kompanisë ‘Guess’ Paul Marciano.
- Në adoleshencën e saj Gigi ka marrë pjesë në lojërat olimpike për fëmijë. Ajo është marrë me kalërim si dhe ka qenë kapitene në lojën e volejbollit në shkollën e saj.
- Gigi vazhdoi studimet për psikologji kriminale. Ajo është e para nga familja e mamasë së saj që arriti të vazhdonte shkollën e lartë.
- Ajo rifilloi modelimin në vitin 2014 në javën e modës në New York për ‘Desigual’.
- Gigi arriti të ishte në kopertinën e revistës ‘Sports Illustrated’ në vitin 2014.
- Dashuria e saj e parë ka qenë Cody Simpson, i cili është një muzikant australian.
- Në vitin 2015 Gigi Hadid arrin të bëhet pjesë e super modeleve të ‘Victoria Secret’.
- Ajo u vendos si ambasadore për firmën ‘Tommy Hilfiger’ në dhjetor të 2015./revistawho.com
