Nuk ka asgjë më të dhimbshme në jetën e një mashkulli, se sa refuzimi kur ai dëshiron të bëjë seks. “Deejay.it” shkruan se një kombinim fjalësh refuzuese mund ta ulin egon e tij dhe ta bëjnë të ndihet keq më shumë se çdo plagë. Në këtë artikull kemi bërë një listë të fjalive më të mira (ose më të këqija, varet nga këndvështrimi) që përdorin femrat për të evituar seksin me partnerin e tyre. Por në fakt dihet, janë të gjitha justifikime!
Kam dhimbje koke
Kjo është më klasikja. Më e vjetër se vetë njeriu, e cituar dhe në Komedine Hyjnore. Kjo fjali është kontraceptivi më i fuqishëm i të gjitha kohërave.
Jam në ato ditët…
E dimë që është e kotë të kundërshtosh por është thjesht hera e pestë brenda muajit. Dhe përveçse duhet të largoni dëshirën, duhet edhe të bëni shumë kujdes se çfarë do të thoni në orët e ditët në vijim.
Po sonte është seria tjetër e “Sex and the City” në televizor
Dhe më e keqja në këtë rast është se as nuk mund të “vërdalloseni” nëpër internet, sepse telefilmi duhet parë bashkë.
Jam e lodhur
“Dhe unë jam i lodhur me justifikimet e tua idiote”! Mos u përgjigjni kurrë kështu nëse s’dëshironi të kaloni direkt tek fjalia më poshtë e kësaj liste
Duhet ende të më kërkosh falje!
Një taktikë e hollë manipulimi psikologjik shumë e përdorur nga femrat për të arritur qëllimet e tyre (si për shembull të mos bëjnë seks) është prekja e ndjenjës së fajit. Në fakt shumicën e herëve kanë të drejtë, por gjithsesi të kërkosh falje në atë moment është thjesht e kotë.
Sapo kam bërë dush
Ky në fakt është justifikimi më i padurueshëm… Vetëm në rast se mashkulli ka problemin që kemi listuar më poshtë.
Ti mban erë
Era që mbajnë meshkujt, nuk është tamam afrodiziaku që ata mendojnë… Sa keq!
Nuk duhet të zgjojmë fëmijët
“Po pikërisht kështu i kemi bërë ata! Do të na e falin…”
Nesër na vijnë njerëz, duhet të rregulloj shtëpinë
“Nuk jam dakord! Duhet të këmbëngulësh për të drejtat e tua si një grua e emancipuar e shekullit të 20 dhe të më detyrosh mua të bëj punët e shtëpisë që të shijosh kënaqësite që trupi mund të të falë…” Me shumë gjasë as kjo fjali nuk do t’ia ndryshojë mendjen asaj. Ajo nuk do dhe kaq, çdo justifikim është i duhuri për të.
Tani luan skuadra jote e zemrës
Çuditërisht kjo është një fjali që përdoret rrallë si justifikim për të mos bërë seks. Megjithatë duket se funksionon 100%!
