Takimet e para mund të jenë pak të sikletshme, por një bisedë e lehtë dhe argëtuese gjithmonë ndihmon. Në vend që të bësh pyetje të zakonshme, provo këto ide për ta kthyer bisedën në diçka më zbavitëse dhe interesante:
1. “Cili është ushqimi më i çuditshëm që ke provuar ndonjëherë?”
Kjo të bën të qeshësh dhe të zbulosh a është tipi që guxon apo i pëlqen vetëm makarona me djathë.
2. Nëse mund të zgjidhje një superfuqi, çfarë do të ishte dhe pse?”
Do të kuptosh nëse është më shumë për të shpëtuar botën apo për të qenë i padukshëm në çdo koncert.
3. “Nëse do të ishe kafshë, cila do të ishe?”
Më beso, përgjigjet janë gjithmonë epike. Dhe pse jo, të mëson edhe diçka për të!
4. “Nëse do të jetoje në një film, cilin do të zgjidhje?”
Një mënyrë e shkëlqyer për të folur për filma dhe për të zbuluar nëse ka shije të ngjashme me ty.
5. “Cili është pushimi ideal për ty – plazh, mal apo qytet?”
Kjo pyetje është super e lehtë dhe të tregon shumë për stilin e tij të jetesës.
6.“Nëse do të mund të haje vetëm një gjë për gjithë jetën, çfarë do të ishte?”
Është mënyrë e lehtë për të folur për ushqimin dhe për të kuptuar shijet e tij.
7. Cila është kënga që të jep energji sa herë e dëgjon?”
Një mënyrë argëtuese për të folur për muzikën dhe për të ndarë ndonjë rekomandim.
8. “Nëse do të bëje një reality show për jetën tënde, si do ta quaje?”
Kjo është një mënyrë qesharake për të parë si e sheh veten dhe sa kreativ është.
9. “Nëse do të kishe mundësi të udhëtoje kudo në botë, ku do të shkoje së pari?
Një pyetje që hap bisedën për udhëtimet dhe ëndrrat e tij.
10. “Nëse do të mund të jetosh një ditë si dikush tjetër, kë do të zgjidhje?”
Një pyetje argëtuese që mund të çojë në përgjigje interesante dhe kreative.
