Tashmë kanë kaluar 5 vite, nga koha kur ata zyrtarizuan lidhjen e tyre. Sytë e miliona njërëzve janë mbi ta dhe çifti shpesh kanë treguar se pavarësisht statusit mbretëror dinë të jenë edhe njerëz të thjeshtë si ne, që në disa raste anashkalojnë edhe rregullat. Sipas womanday.com, më poshtë sjellim 10 rastet kur çifti ka thyer protokollin mbretëror.
1- Ata jetojnë jashtë Londrës. Çifti mbretëror jeton në një apartament në Kensington Palace. Kjo i mundëson atyre të shijojnë më shumë jetën duke u fokusuar tek gjërat e thjeshta, si psonisja në një supermarket.
2- Ata nuk punojnë shumë. Të udhëtosh anembanë botës edhe pse duket e lodhshme nuk do të thotë se po punon shumë. Ndërkohë që ju kujtojmë se William, është i punësuar si pilot, por herë pas here është konsideruar si “përtac” nga shtypi në vend pasi ai nuk e frekuenton rregullisht punën.
3- Ata shpesh dalin në publik me të njëjtat veshje edhe pse kanë një buxhet të veçantë për t’u kudesur për pamjen e tyre. Ky rregull nuk përjashton as fëmijët e tyre, por Kate ka treguar se kjo është gjëja e fundit që e shqetëson.
4- Ata kujdesen personalisht për fëmijët e tyre. Në këtë duket se ata po ndjekin hapat e Princeshës Diana, duke mos zgjedhur të kenë një dado me kohë të plotë për rritjen dhe edukimin e fëmijëve.
5- Ata e kanë çuar Princin Xhorxh të ndjekë shkollën. Edhe në këtë zgjedhje ata janë në hapat e Ledi Dianës, e cila vendosi që fëmijët e saj të ndiqnin shkollën, luanin nëpër parqe apo shkonin në kinema sikurse bëjnë të gjithë fëmijët e thjeshtë.
6- Kate dhe William kanë ndjekur kolegjin. Askush nuk e kishte menduar që një ditë do të mbante kurorën një princeshe e cila është diplomuar në kolegj. Ata kanë frekuentuar që të dy të njëjtin kolegj dhe jetonin një jetë të thjeshtë duke shëtitur parqeve me biçikletë apo porositur ushqim kinez.
7- Ata publikojnë rregullisht foto të familjes së tyre në rrjetet sociale. Edhe pse William nuk ka shumë dëshirë të jetë i ekspozuar në publik, është Kate ajo që arrin ta bëjë më së miri këtë gjë.
8- Kate nuk është një aristokrate. Argumenti më i diskutuar i kësaj romance është që Kate nuk është përzgjedhur nga William për shkak të gjakut të saj blu.
9- Ata janë takur me lider të ndryshëm … edhe pse është shumë herët. Fotoja e Princit Xhorxh me Obamën ka bërë xhiron e botës dhe njerëzit kurrë nuk pyetën se përse Kamila dhe Karl nuk ishin aty? Ka një protokoll i cili përcakton qartë se vizitat me Presidentët nuk parashikohen për mbretërit e ardhshëm. Por Mbretëresha ka anashkaluar gjithçka, kjo do të thotë se ajo po jep një mesazh.
10- Ata janë të dashur. Në shumë raste kemi vërejtur se Princ William dhe Kate kanë qëndruar dorë për dore apo edhe kanë përkëdhelur njëri–tjetrin. Asnjëherë ky afrimitet nuk është shfaqur në daljet publike të Princit Phillip dhe Mbretëreshës Elizabeth. / revistawho.com
