Këngëtarja Ledina Çelo numëron sot 10 vjet dashuri me bashkëshortin e saj. Ledina ka njoftuar për këtë ditë të shënuar nëpërmjet një fotoje të publikuar disa minuta më parë në “Instagram”, ku çifti shkëmben puthje pasionante. Prej një dekade këngëtarja ka nisur një jetë të re në Gjermani përkrah partnerit të saj Naim Kabashi, ish-kampion bote i Kickboksit. Nga kjo marrëdhënie këngëtarja ka sjellë në jetë dy fëmijët e saj, të cilët nuk ngurron t’i prezantojë herë pas here nëpërmjet fotove apo videove. Në këto 10 vite Ledina ka realizuar atë që ka dashur gjithmonë dhe që e quan “çelësin e lumturisë për një grua”, familjen dhe fëmijët. Çelo prej disa kohësh është shkëputur nga muzika duke iu përkushtuar totalisht familjes.
