10 vite dashuri po marrin fund, Gigi D’Alessio e Anna Tatangelo në krizë

Ajo midis Anna Tatangelos dhe Gigi D’Alessios është një histori dashurie që zgjat prej më shumë se dhjetë vitesh edhe që ka parë lindjen e fëmijës së tyre të parë, i vogli Andrea. Mirëpo tani lidhja e tyre është në krizë. Kështu zbulon revista italiane “Diva e donna”. Sipas saj është hera e parë që çifti qëndron larg ndërsa ‘lamtumira’ për ta është fare pranë. Shkak për këtë është bërë xhelozia e këngëtarit ndaj të shoqes e cila çdo ditë e më shumë po transformohet fizikisht në përpjekje për t’u dukur seksi. Madje mediat italiane shkruajnë që ajo po duket si Belen. Sakaq nga ana tjetër Gigi është parë sërish afër ish-gruas të cilën dikur e braktisi për Anna-n.