10 vite pa babain, Almeda Abazi e kujton me fotot e lumtura nga fëmijëria

Mbrëmjen e kaluar, bukuroshja shqiptare, Almeda Abazi është kthyer pas në kohë. Nëpërmjet disa fotove të publikuara në ‘Instastory’ ajo ka treguar një periudhë të bukur të jetës së saj, kur e gjithë familja ishte bashkë. Bëhet fjalë për kohën e fëmijërisë kur i ati i saj, atletiku Muhamet Abazi ishte ende gjallë. Por tashmë që ai ka 10 vite që është ndarë nga jeta, Almeda ja ndjen mungesën më shumë se kurrë
“Më mungon pafund, le të kthehemi edhe njëherë tek këto kohë”,- shkruan Almeda në përshkrimin e fotove.
Në fotot bardhë e zi duket një familje e lumtur dhe e bashkuar ku Almeda shfaqet krahas së atit, motrës dhe së vëllait.
Muhamet Abazi shënohet me gërma të arta në librin e rekordeve kombëtare në sportin e Atletikës. Ai theu mjaft rekorde kombëtare në kërcimin së larti, ndër të cilat vlen të permendet 2.11m, rekord të cilin e mbajti për një kohë të gjatë./revistawho.com