E zeza është gjithmonë në modë. Por kjo ngjyrë nuk është aq e thjeshtë. Duhet të dini si ta vishni. Këto janë rregullat për t’u dukur klas me të zeza:
Një veshje komplet të zezë përdorni aksesorë me ngjyrë.
E zeza të dobëson kjo dihet, por nëse vishni rroba të ngushta të zeza për të ngjarë më të dobëta në fakt do të nxirrni në pah të metat tuaja. Një fustan i gjerë, pantallona të gjera apo xhaketë e gjerë do t’ju tregojë më me stil.
Luani me llojin e copës. Mos u vishni me copë lëkure nga koka te këmbët për shembull. Mund të vishni pantallona pambuku me një bluzë mëndafshi ose një fund lëkure me një triko.
E zeza dhe e bardha shkojnë shumë bashkë. Nëse ke në garderobë një veshje të kominuar të zezë me të bardhë je një mbretëreshë.
E zeza është ngjyra perfekte për të krijuar një look asimetrik ose grafik.
E zeza kërkon përsosmëri, kërkon një prerje flokësh të rregullt dhe nëse nuk keni kohë të lani flokët më mirë mos u vishni me të zeza, ndryshe nuk do ndiheni mirë gjatë ditës.
E zeza mund t’ju bëjë të dukeni e plakur nëse nuk keni vënë makeup. Theksoni sytë tuaj dhe mos vendosni buzëkuq të kuq pasi do dukeni si vampir.
Ndriçoni fytyrën me ngjyrën që ju shkon më shumë. Nëse vishni të zezën gjatë dimrit mund të dukeni shumë të lodhur kështu që vendosni një varëse apo shall me ngjyrën që ju shkon më shumë.
Mos kini frikë të kombinoni të zezën me ngjyra të tjera.
Fustanet e zinj me kurriz hapur janë zgjedhja e duhur kur keni një mbrëmje ose festë.
Zgjidhni aksesorët e duhur. Rripat dhe çantat prej lëkure theksojnë fisnikërinë e të zezës. Aksesorët ngjyrë floriri shkojnë shumë me të zezën.
Dantella në veshjet e zeza ka një fuqi dhe influencë të paimagjinueshme. Duhet pasur kujdes pasi dantella ngjan bukur nëse përputhet me cilësinë e copës së zezë.
