Kanë kaluar 13 vite që nga transmetimi në Indi i “Bidaai”, një prej serialeve më të suksesshëm e më të shitur indian. Aktorja e cila luante rolin e Ragnit, Parul Chauhan ka postuar në Instagram një video krah së cilës shprehet e përmalluar për kohën kur xhironte këtë serial. Ajo shprehet falenderuese për famën që arriti falë “Bidaait” dhe e quajti një rilindje. “Nuk mund ta besoj që kanë kaluar 13 vite. Ishte si një rilindje për mua. Jam shumë falenderuese ndaj Zotit dhe ndaj ju fansave të mi që më pranuat si Ragni. Edhe mua më mungon ajo. Falenderoj të gjithë stafin e Bidaait dhe veçanërisht mentorin tim Rajan Shahi. Ju dua”-shkruan aktorja. “Bidaai”, ku protagoniste ishte edhe aktorja Sara Khan, u transmetua në vitin 2007 në Indi. Ky serial fitoi popullaritet pasi theu sterotipet e shoqërisë. Gjatë karantinës, në Indi ky serial u ritransmetua dhe sërish publiku e ndoqi me të njëjtën kërshëri. Ky serial u transmetua edhe në Shqipëri në TV Klan 6 vite më parë dhe pati shumë shikueshmëri./revistawho.com
https://www.instagram.com/p/CGF1I7oJqaQ/
