Pandemia na ndryshoi ndër të tjera mënyrën se si e shohim pastrimin e shtëpisë. Që prej fillimit të saj, të gjithë po pastrojmë më shumë, për faktin se jemi më gjatë në shtëpi dhe kemi më shumë kohë, por edhe nga frika e virusit. Me ardhjen e pranverës, në shumë familje është i përhapur edhe zakoni i pastrimit të shtëpisë me më shumë vëmendje si një mënyrë për të nxjerrë energjinë e keqe, por edhe si traditë e familjeve për një fillim të mbarë për stinën e luleve dhe gjelbërimit.
Ne do ju tregojmë më tej 14 këshilla që duhet t’i keni parasysh kur të vendosni të bëni pastrimin e pranverës:
Ajërosni batanijet, jorganët, mbulesat e divanëve, pra çdo gjë që nuk lahet shpesh, por ka nevojë për pastrim. Kështu do largoni mundësinë për alergji.
Lani ndërresat e shtratit. Këtu nuk e kemi fjalën për çarçafaët që me siguri i ndërroni shpesh, por kllëfët e dyshekut. Lajini me 60 ose 90 gradë që të vrisni alergjentët e dëmshëm.
Lani ose zëvendësoni jastëkët me të rinj. Aty mblidhen baktere të shumta dhe vetëm larja e rregullt mund t’iu shpëtojë prej tyre.
Hiqni pluhrat nga majat e parritshme të dollapëve ose kuzhinës. Megjithëse nuk i kap syri, ato zona mbledhin shumë pluhur dhe duhen pastruar. Lecka me detergjent ose fshesa me korent janë dy zgjidhje të mira.
Pastroni brenda dollapeve, pasi edhe aty ka pluhur. Një leckë e lagur dhe detergjent do ua lehtësojë shumë punën. Por mos harroni ta thani mirë vendin.
Pastrojeni pluhurin nga çdo sipërfaqe. Mënyra më e mirë për ta ndriçuar shtëpinë është të kaloni një leckë ise fshesën e korentit në çdo cep të shtëpisë.
Për pastrimin e shtëpisë ka një rend specifik dhe kryesori ndër ta është: Mos pastroni me fshesë pa mbaruar me pastrimin e pluhurave në gjithë shtëpinë.
Bëni vakum edhe aty ku nuk ecni. Pluhuri është kudo, kështu që për ta kapur do të duhet të lëvizni mobiljet dhe të kaloni fshesën në vende të vështira për t’u arritur.
Pastroni me fshesë korenti edhe divanët. Tek to mblidhen merimanga dhe shumë baktere të tjera.
Lani perdet. Megjithëse nuk e shikoni me sy të lirë, perdet mbledhin shumë pluhur.
Lani muret me detergjent ose fshesë korenti. Edhe aty mblidhen pluhura.
Pastroni ambazhurët dhe llambat. Pluhuri fshihet edhe aty.
Zbrazni frigoriferin dhe pastrojen i mirë nga brenda. Këtë pastrim në fakt duhet ta bëni rutinë.
Pastroni dollpaët dhe sirtarët në dhomën e gjumit. Pluhuri grumbullohet edhe mes rrobave./revistawho.com
