Pema e Viti të Ri me kokë poshtë, kuptimi dhe tradita

Mund t’ju ketë ndodhur shpesh të shikoni pemën festive të Krishtlindjes me kokë poshtë. Zbukuruar me dritat shumëngjyrëshe, shumëkush mund të mendojë se ky është trend ose ekstravangancë e kohëve moderne. Por në fakt nuk është kështu. Zanafilla e kësaj tradite është në Evropën Lindore të shekullit të XV-të. Në simbol të kryqëzimit të Krishtit, njerëzit e kësaj periudhe e vendosnin pemën me kokë poshtë. Në këtë mënyrë ata besonin se e kishin Krishtin edhe më pranë vetes. Vitet e fundit duket se tradita është rikthyer. Burime për “Daily Mail” tregojnë se “trekëndëshi me kokë poshtë” po përdoret gjithnjë e më shpesh. Njerëz nga e gjithë bota kanë zgjedhur t’i dekorojnë në këtë formë pemët e tyre. Ato janë të zbukuruara si të gjitha pemët e tjera të Krishtlindjeve vetëm se duket sikur varen nga tavani dhe ngulen në dysheme. Një ide interesante për të sjellë një atmosferë ndryshe në shtëpi./revistawho.com