Jugu dhe pjesërisht zonat Qendrore mbeten me kthjellime dhe vranësira të shpeshta ndërsa me reshje shiu e dëbore paraqiten zonat Veriore dhe Verilindore.
Në mesditë dhe gjatë pasdites territori vijon kryesisht i vranët ndërsa shirat lokalizohen në zonat Qendrore dhe Jugperëndimore. Në të njëjtat kushte të motit Shqipëria mbetet edhe gjatë orëve të natës.
Sipas MeteoAlb, temperaturat e ajrit do të rriten me 2°C gjatë orëve të mëngjesit ndërsa një rritje të lehtë të vlerave termike maksimale do të sjellë mesdita.
Era do të fryjë kryesisht mesatare me shpejtësi 27 km/h nga drejtimi Jugperëndimor duke bërë që në det të gjenerohet dallgëzim 2 ballë.
Europa
Europa Perëndimore dhe pjesa më e madh e Qendrës së Europës dominohet nga vranësira dhe reshje të shpeshta shiu e dëbore. Po ashtu, zona e Alpeve Europiane dhe pjesërisht gadishulli Ballkanik vijojnë në kushtet e vranësirave të shpeshta por me reshje të pakta.
Ndërsa gadishulli Iberik dhe pjesa më e madhe e Europës Jugore dhe Lindore paraqiten me mot kryesisht të kthjellët./Noa.al
