1.Shoqja që të shkruan vetëm kur ka nevojë për diçka! Nuk është shoqe, po të përdor!
2.Shoqja që zhduket papritur kur ti po kalon një periudhë të vështirë. Për çfarë janë shoqet? Vetëm për ditë të lumtura? Jo! Shoqëria tregohet pikërisht në këto raste!
3.Shoqja që bën llogaritë! Kjo është lloji i shoqes që nëse bën diçka për ty, pret që edhe ti t’ja kthesh. Një shoqëri e sinqertë nuk funksionon kështu!
4.Shoqja xheloze e cila duket qartë që nuk është e lumtur për suksesin tënd dhe gjërat që ti arrin në jetë.
5.Shoqja që flet pas shpinës. Një shoqe e vërtetë nuk lë askënd të flasë prapa shpine për ty, lëre më të flasë vetë për ty!
6.Shoqja që sheh vetëm interesin e vetë. Kjo është tipi i shoqes që do të bësh vetëm siç do ajo dhe nuk i intereson çfarë dëshiron ti të bëni apo ku të shkoni!
7.Shoqja thashethemaxhie! Kjo është shoqja që të sjell të gjitha të pathënat nga njerëzit e tjerë, por ku e di ti që nuk është duke i treguar edhe sekretet e tua tek të tjerët?
8.Shoqja që nuk ka kohë për ty! Kush nuk ka kohë për të takuar, nuk i intereson ti! Kaq!
9.Shoqja që konkurron me ty! Në një shoqëri të sinqertë nuk ka konkurrencë! Ti ke arritjet e tua, ajo të sajat. Nuk ka nevojë për krahasime.
10.Shoqja oportuniste! Kjo është tipi i shoqes që vjen vetëm kur ka interes. Do organizosh një party? Ajo është gati! Do dilni për një gotë? Ajo është gati! Ke nevojë për ndihmë? Ah, është pak e zënë tani!
11.Shoqja që nuk bën asgjë me jetën e saj dhe vetëm ankohet! Nëse do të ecësh përpara në jetë nuk mund të qëndrosh me njerëz që nuk duan të bëjnë asgjë me jetën e tyre. Duke qëndruar me njerëz të tillë, do fillosh dhe ti të ankohesh edhe për gjërat më të vogla.
12.Shoqja që nuk ka të njëjtat vlera me ty. Shembull: Ti dëshiron një jetë të qetë, ajo dëshiron një jetë të shthurur!
13.Shoqja që është “shoqe” me të gjithë! E dimë shumë mirë që s’mund të jesh mikeshë me të gjithë!
14.Shoqja që të bën komplimenta pakuptim. Shembull: Flokët të janë bërë për t’u larë dhe ajo të thotë: “Sa bukur i paske flokët sot!”
15.Shoqja që të vë në pah të metat. Ajo po injekton pasiguritë e veta tek ty!
Ky artikull është nga Revista Who dhe nuk lejohet ribotimi pa lejen e redaksisë!
