‘Digitalb’ ose ndryshe platforma e të gjithë shqiptarëve, u krijua nga një njeri me vizion, i cili solli revolucion në industrinë mediatike, i ndjeri Dritan Hoxha. Për 15 vite, paketa dixhitale ka ofruar në treg programacionet më të larmishme dhe ka zvogëluar njëherazi distancën e të gjithë shqiptarëve anembanë botës me atdheun e tyre. Familja Hoxha e vazhdoi ëndrrën e themeluesit të ‘Top Channel’ dhe ‘Digitalb’ dhe në këtë 15-vjetor ka menduar të sjellë një emision të veçantë, të cilin e kanë zbuluar vetë motrat Hoxha.
“Nga 9 Qershori në T, @digitalb”, ka shkruar motra e madhe e familjes Hoxha, krah videos ku dallohet rrugëtimi i gjatë i ‘Digitalb’ këto 15 vite. Ashtu siç zbulohet dhe nga pamjet, ky projekt do të risjellë dhe njëherë punën e madhe të platformës dixhitale, të cilën njerëzit e kanë konsideruar si flamurin e shqiptarëve. Në sfond dëgjohet dhe shprehja motivuese e drejtuesit të parë të ‘Digitalb’, Dritan Hoxha teksa thotë: “Unë besoj akoma dhe besoj me gjithë forcat, prandaj vrapoj”.
Nuk dihet ende diçka më shumë rreth këtij projekti, por kjo pritet të zbulohet në vetëm pak ditë nga vetë stafi i cili ka punuar për të sjellë këtë realizim./revistawho.com
https://www.instagram.com/p/ByQkvXDFCrx/
https://www.instagram.com/p/ByQhv1RHhz-/
