Dy motrat e njohura të skenës shqiptare, Nora dhe Era Istrefi kanë treguar se në familjen e tyre është ndjerë gjithmonë mungesa e babait. Babai i dy artisteve, Nezir Istrefi ka qenë jo pak i njohur në Kosovë, pasi ai ka punuar si gazetar dhe moderator në televizion në të njëjtën kohë. Ai ka ndërruar jetë 15 vite më parë dhe sot është dita e përvjetorit të tij. Në këtë ditë të trishtë për familjen Era e ka kujtuar babain me një foto shumë të vjetër, e cila duhet të jetë shkrepur gjatë rinisë së tij. Përkrah fotos këngëtarja ka bërë një dedikim shumë prekës për babain e saj të ndjerë. “Përvjetori i 15-të sot. Të dua përgjithmonë Nezir Istrefi”, ka shkruar Era.
Pavarësisht se vendin e babait nuk ka munduar ta zëvendësojë askush, Nora dhe Era gjatë gjithë karrierës dhe jetës së tyre kanë pasur mbështetje të madhe nga nëna, Suzana Tahirsylaj. Kujtojmë se dy këngëtaret kanë dhe një motër, Nita dhe një vëlla më të vogël të quajtur Bledi. /revistawho.com
