Liam Payne ka bërë një ndryshim shumë të madh nga anëtar i grupit ‘One Direction’ si këngëtar solo dhe tashmë si baba i një djali. Ditën e sotme ai është fotografuar i qeshur në rrugë duke shijuar diellin e pranverës. Por të gjithë filluan të aludonin se kjo lumturi e këngëtarit vjen prej faktit se shumë shpejt mund të ketë një rikthim të ‘One Direction’.
Pak kohë më parë në një gazetë gjermane, këngëtari ka thënë se ndoshta mund të bashkohen në një kohë shumë të afërt në të ardhmen, duke qenë se të gjithë djemtë kanë folur me njëri-tjetrin për këtë gjë. Megjithatë ende nuk dihet nëse grupit do t’i bashkohet edhe Zayn, duke qenë se ai ishte i pari që hoqi dorë në vitin 2015. Madje dhe anëtari tjetër, Niall Horan ka thënë se ai do të lërë çdo gjë nëse grupi do të kërkojë rikthim. Megjithatë duhet pritur në vazhdim për të parë nëse djemtë do të bashkohen realisht me njëri-tjetrin. /revistawho.com
