“2 gisht mjaltë” theu çdo rekord shikueshmërie në kinematë shqiptare dhe tashmë shkon përtej kufijve shqipfolës. Lajmin e ka bërë të ditur protagonistja e komedisë shqiptare, Elvana Gjata. Me anë të fotove të publikuara në ‘Instagram’ ajo ka treguar se shumë shpejt filmi do transmetohet në kinemat e Europës. “E keni menduar ndonjëherë se do shikonit një film shqiptar në Europë? Mund t’ju them se është bërë realitet tani! Fillimisht në Zivcër, në 3 maj dhe më vonë në Austri, Gjermani, Hollandë, Suedi, Greqi, Mal të Zi. Shihemi atje dhe uroj ta shijoni çdo sekond të tij”,-shkruan këngëtarja e njohur.
https://www.instagram.com/p/Bw2UIeiB_ca/?fbclid=IwAR1nEipebGtFG4VpFKuP0SqCYW6wRQOIewbXIjnzSt7e2_wmSI3iqp00pEc
Lajmi ka emocionuar veçanërisht të gjithë emigrantët shqiptarë që jetojnë në vendet perkatëse, të cilët më në fund do kenë fatin të ndjekin një film shqiptar në kinematë vendase. Detajet e tjera për vendet ku do të shfaqet komedia, jepen në fotot e publikuara nga Elvana. /revistawho.com
