Edona Llallosh, këngëtarja e hitit ‘Simpatia’ ishte larguar prej kohësh nga skena duke mos prodhuar më muzikë, por ajo u rikthye fuqishëm 9 muaj më parë me “Çka mbane” dhe para pak ditësh me një klip të ri të titulluar “Hallall të qoftë”. Ditën e sotme e ftuar në emisionin ‘Rudina’, ajo ka folur për karrierën dhe jetën personale. Një mesazh nga Memli Krasniqi, bashkëpunëtori i saj me të cilin ka kënduar këngën ‘Simpatia’ i ktheu të gjithë 20 vite pas në kohë, kur hiti u prezantua për herë të parë para publikut.
Pavarësisht se Krasniqi nuk këndon më pasi tashmë i është përkushtuar politikës, Edona e ka ftuar që të bëjnë sërish një bashkëpunim. Përsa i përket jetës personale ajo është e martuar prej vitesh me një biznesmen dhe ka dy fëmijë, vajzë dhe djalë./revistawho.com
