Rezarta Shkurta prej disa kohësh është larguar disi nga muzika dhe është përqëndruar më shumë në biznesin e saj privat të studios fotografike. Megjithatë vite më parë Rezarta ishte vazhdimisht aktive në muzikë, sidomos në kompeticionet muzikore, kryesisht në ‘Kënga Magjike’.
Mesa duket jo vetëm publikut, por edhe vetë Rezartës ka filluar t’i mungojë ajo kohë. Në ‘Instagram’-in e saj Rezarta ka publikuar një video që i përket vitit 2007, kohë në të cilën mori pjesë në ‘Kënga Magjike’ me këngën ‘I pafat’.
https://www.instagram.com/p/BiNRwsCn2s8/?taken-by=rezartashkurta
“20 vjeç, 11 vjet më parë dhe akoma më emocionon kjo performancë, të cilën e pash në ëndërr! Zgjohem në orët e para të mëngjesit, e vizatoj që të mos e harroja dhe më pas e bëra realitet tek ‘Kënga Magjike’. Për të gjithë ata që nuk e njohin botën e televizionit, për ne s’ka qenë asgjë e lehtë. Vetmenaxhoheshim në ato vite të vështira ku nuk kishte rrjete sociale, suplemente gazetash apo ‘YouTube’, madje dhe telefonin e kishim vetëm për një zile.. Punoja dhe në gjumë për të realizuar ëndrrën time! Eh çfarë emocioni t’i shohësh sot, dhe të kujtosh dhe prapaskenat, më duket sikur i rikthehem faqeve të një ditari!”, – ka shkruar Rezarta. Kënga më e fundit e këngëtares, ka qenë ‘Gjysma ime’, e realizuar rreth një vit më parë. /revistawho.com
