Në një kohë ku teknologjia dhe dizajni i pajisjeve shtëpiake po përsosen çdo ditë, disa emra mbeten të përjetshëm. Një prej tyre është “Miele”, marka që prej vitit 1899 ka ndërtuar një standard ekselence me moton e saj të paharrueshme: “Forever better”.
Në Shqipëri, rrugëtimi i “Miele” nisi rreth 20 vjet më parë, në bashkëpunim me Electromagic i cili është partneri i saj i vetëm në vendin tonë dhe sot, dy dekada më vonë, ajo është shndërruar në një nga markat më të dashura dhe më të besuara premium në tregun vendas.
Me një filozofi që i qëndron kohës, “Miele” nuk shihet më thjesht si një blerje, por si një investim familjar. Ajo ofron jo vetëm pajisje, por përvojë, cilësi dhe jetëgjatësi, vlera që nuk maten me çmim, por me besim.
Në një mbrëmje plot emocion dhe elegancë, “Electromagic” festoi 20-vjetorin e “Miele” në Shqipëri, duke sjellë bashkë miq, klientë dhe partnerë që ndajnë të njëjtin vizion: të jenë “gjithmonë më të mirë”.
Pas 20 vitesh suksesi, “Miele” dhe “Electromagic” shikojnë përpara, drejt një dekade të re inovacionesh, aty ku çdo shtëpi dhe çdo biznes ndien se është në oazin e cilësisë që zgjat në kohë, sepse aty ku është Miele, “Forever better” merr kuptimin e vërtetë.
