31 gushti i këtij viti përkon me 20-vjetorin e vdekjes së Princeshës Diana. Me rastin e këtij përvjetori, dy djemtë e saj William dhe Harry, kanë menduar të ndërtojnë një statujë në përkujtim të nënës së tyre.
BBC shkruan se dy djemtë e princeshës së ndjerë e kanë konfirmuar lajmin se ky është momenti për të njohur “ndikimin e saj pozitiv në Britaninë e Madhe dhe në botë, me anë të një statuje”.
Është menduar se skulptura do krijohet në Kensington Palace dhe puna për realizimin e saj do të nisë shumë shpejt: “Nëna jonë ka prekur jetët e shumë njerëzve. Shpresojmë që statuja të ndihmojë ata që do vizitojnë Kensington Palace të reflektojnë për jetën dhe trashëgiminë e saj”, thuhet në një komunikatë të dy princave Harry dhe William. Siç mësohet, edhe mbretëresha Elizabeth e ka mbështetur nismën e dy nipave të saj.
Diana humbi jetën në një aksident tragjik në Paris, më 31 gusht 1997. Në atë kohë, William ishte 15 vjeç dhe Harry 12.
