Ditën e sotme bëhen 21 vite që kur Princeshë Diana u nda nga jeta në mënyrë tragjike. Pas divorcit nga Princi Charles, Princeshë Dianës ju hoq titulli i vendosur, megjithatë ajo shprehej se gjithmonë do të mbetej ‘Princesha e Popullit’. Në daljet e saj publike, Princeshë Diana shfaqej gjithmonë e qeshur dhe shumë e komunikueshme edhe me njerëzit e thjeshtë. Ajo ka qenë ndër të parët nga pjesëtarët e familjes mbretërore që u përfshi në punë të ndryshme bamirësie, si mbrojtja e fëmijëve, të moshuarve, të pastrehëve dhe kafshëve. Përpjekjet humanitare të Princeshë Dianës kanë pasur një impakt shumë të madh në të gjithë botën, duke ndryshuar jetën e shumë personave. Për këtë arsye puna e saj vazhdon të kujtohet sot e kësaj dite dhe ajo ende cilësohet si e vetmja ‘Princeshë e Popullit’. /revistawho.com
