- Asgjë nuk ia acaron më shumë nervin Mbretëreshës sesa vonesa e të tjerëve. Edhe nëse janë nipërit ose mbesat, ata marrin një reagim të egër prej saj. Ajo nuk është një person me temperament të keq, por kur e humb durimin ajo mund ta bëjë edhe një person të rritur që të dridhet.
- Për të evituar situata të sikletshme sociale, Mbretëresha ka një sërë shenjash sekrete, kështu që shoqërueset e saj duke kontrolluar situatën mund ta shpëtojnë nga gjërat e padëshiruara. Nëse ajo lëviz çantën tregon që do të ecë përpara. Një shikim i ngulur në të djathtë tregon që ndërhyrja është e nevojshme në mënyrë urgjente. Nëse ajo lëviz unazën, biseda duhet gjallëruar me ndonjë batutë. Nëse këto sinjale që ajo lëshon për shoqërueset humben, sigurisht që ajo i gjobit ato në privatësi.
- Mbretëresha ka këmbë që përballon edhe det të trazuar, të fuqishëm. Edhe në një det me shumë dallgë që kanë trazuar edhe stomakun e burrit të saj notar, ajo sërish ka mbetur e paprekur.
- Nuk janë vetëm kuajt dhe trëndafilat e dekoruar në formë fjongoje ato që i pëlqejnë Mbretëreshës dhe Princit Philip. Ata gjithashtu pëlqejnë edhe lojën kriket dhe shpesh shkojnë vjedhurazi nëpër shtëpi për të evituar ndonjë angazhim mbretëror dhe për të kapur pikët e kriket.
- Mbretëresha është një imituese brilante dhe nëse ndodhet në një rreth shoqëror të besueshëm, atëherë ajo do të imitojë shumë mirë mimikën e burrave të shtetit ose figurave publike.
- Prince Philip në varësi të rastit e thërret atë ‘Lilibet’, e dashur, ose suxhuk.
- Ata që e kanë prekur atë kanë qenë vërtet me fat, pasi përveç personit që kujdeset për shëndetin e saj, asnjë nuk mund ta prekë. Meqenëse ai ka mundësinë të ketë kontaktin fizik me Mbretëreshën kur e viziton, thotë se Mbretëresha ka një lëkurë interesante si të Kleopatrës, që është një lëkurë e butë gjithashtu.
- Ajo betohet, por i kufizon pasthirrmat e saj kur ato fillojnë me gërmën ‘b’.
- Valixhja e saj prej lëkure të përsosur është prodhuar nga marka ‘yelow’ ku është shkruar ‘The Queen’ (Mbretëresha).
- Mbretëresha ka një tërheqje të veçantë për hapësirën dhe udhëtimet në hapësirë. Për të kostumi i astronautit është shumë zbavitës.
- Ajo është një person që zgjohet herët. Mëngjesi i saj fillon në orën 8 dhe ajo ha salmon ose veshka, që i do brenda një tosti, ndërsa është duke shfletuar të gjitha gazetat. Dy gazetat e saj më të preferuara janë: “The Daily Telegraph” dhe “The Racing Post”, të cilat i lexon nga faqja në faqe, duke lënë për në fund fjalëkryqin.
- Dreka është në orën 1 të mesditës. Është një drekë e shpejtë në kohën e punës, ndaj ajo ha thjesht një sallatë dhe mish të ftohtë.
- Ashtu edhe siç mund ta prisni, Mbretëresha pi çdo ditë çajin në një orar të caktuar, që është 4 e 30 e pasdites. E pëlqen çajin me qumështin e saj. Në të njëjtën kohë ajo i lejon vetes të hajë edhe një sanduiç, që me siguri nëse nuk do ta kontrollonte peshën, do të hante më shumë sesa një.
- Ajo nuk i pëlqen njerëzit që nuk i paraprijnë rrezikut. Gjithnjë leviz ngadalë nëpër dhomë për ta analizuar mirë. Ka një sy të mprehtë shqiponjë për çdo detaj dhe pothuajse nuk i humbet kurrë asgjë.
- Ajo është e mëshirshme edhe kur kuajt e saj humbasin lojën. Gjithsesi ajo ankohet se është dyfish irrituese të shohësh që kuajt e tu humbasin, sepse nëse ajo ndodhet në fushë duke i ndjekur, në nëntë nga dhjetë raste i duhet asaj ta japë çmimin e fituesit.
- Mbretëresha është një shofere që të rrënqeth, sepse shpesh nget makinën e saj me shpejtësinë e “Formula Uno”-s.
- Ka një sens të hollë humori, vetëm se edhe kur qesh me të madhe, ajo qesh në hundë pa u ndjerë. Është më shumë si një gjëmim i brendshëm në zemrën e saj kur ajo qesh. Asgjë nuk e gudulis më shumë atë, sesa një incident gjatë ceremonive.
- Në një mbrëmje gjatë javës, kur ajo nuk ka ndonjë detyrim zyrtar, Mbretëresha shkon në shtrat jo më vonë se ora 11:30 e darkës.
- Mos e pyet atë për lule, sepse ajo e urren kopshtarinë.
- Mbretëresha nuk ka as pasaportë dhe as patentë për të drejtuar makinën.
- Pasioni i Mbretëreshës është të garojë, por atë nuk do mund ta gjeni kurrë duke vënë baste ose duke qëndruar në rradhë.
- Mbretëresha dhe Princ Philip, preferojnë shumë që të shohin televizor ndërkohë që janë ulur në divan duke ngrënë diçka me tavolinën-tabaka përpara tyre. Ata nuk shohin çdo gjë që transmetohet, por regjistrojnë shfaqjet e tyre të preferuara (njëra ndër to është ‘Downtown”) për të shoqëruar vezët e stilit mbretëror që po hanë.
- Mbretëresha vesh dorashka në publik, jo vetëm për qëllimin e veshjes mbretërore, por edhe për të mbrojtur veten nga ndonjë grip ose virozë.
- Në orën 7:30 të pasdites, Mbretëresha preferon të pijë një lloj vere nga Spanja e Jugut të quajtur ‘Sherry’, ose preferon të hajë ndonjë gjë të lehtë. Ajo kurrë nuk pi më shumë se sa tre gota verë në darkë, edhe pse qilarët ku ajo e ruan verën janë nga më të mirët në Europë (gati të njëjtë me vinotekat franceze).
- Mbretëresha nuk ka veshur kurrë një palë xhinse në jetën e saj./revistawho.com
25 gjërat që nuk i keni ditur kurrë për Mbretëreshën Elizabeth
NGA KATEGORITE E TJERA
Dev by Techzero1.com