2po2 është njëri prej atyre reperëve që është bërë shumë shpejt pjesë e tregut muzikor shqiptar. Pavarësisht ndryshimit të kohërave e çdo gjëje tjetër ai ka ditur se si t’i bëjë ballë dhe të jetë gjithnjë i pranishëm në skenë. Përveçse një artist i zoti, 2po2 është edhe një baba shumë i përkushtuar. Ai është i martuar dhe ka tre fëmijë, por nuk ka preferuar që të flasë publikisht për ta. Në një intervistë për ‘Prive’ 2po2 ka nxjerrë në pah natyrën e tij prej babai dhe bashkëshorti të devotshëm. “Familja është prioritet për mua. Shpeshherë nuk përfshihem shumë në muzikë për të qenë prezentë pranë tyre. Djemtë falë Zotit i kam shumë të sjellshëm, gjithashtu edhe vajzën”, – ka thënë reperi.
Ndërsa më tej ai ka folur edhe për bashkëshorten e tij, Arbenën: “Nuk mjaftojnë fjalët për të shprehur dashurinë, mirënjohjen edhe respektin ndaj një gruaje që përkushtohet dhe gjithë jetën ja kushton familjes. Unë falë Zotit kam pasur fat. Nuk do veçoja as të mira as të këqija, por në përgjithësi gruaja shqiptare është heroinë.” /revistawho.com
