Në vetëm pak ditë pritet të nisë sezoni më i ri televiziv i programit ‘Hell’s Kitchen’ nën drejtimin e shefit të njohur të kuzhinës, Renato Mekolli. Ai ka publikuar pamje të ndryshme të programit duke paralajmëruar kështu nisjen e tij, megjithatë me anë të postimit të fundit në ‘Instagram’, Mekolli ka treguar se është gati ta shajnë sërish.
“Qeshu o djal qeshu, qeshu edhe për pak ditë akoma. Se javës tjetër do fillojmë do të shajnë, (ah dhe bën mirë që komentet në ‘Instagram’ t’i mbyllësh). 3 muaj luftë dhe 9 muaj dashuri. Vjet kishim një zonjë që e quanin Tefta, e mori pak vëmendjen, këtë sezon jam kurioz kush do ta marri”, ka shkruar Renato krah fotos së shkëputur nga xhirimet e programit.
Mesa duket kësaj here shefi i kuzhinës do të jetë edhe më i ashpër, ndaj nuk ka hezituar ta lajmërojë publikun se do të ketë surpriza të shumta./revistawho.com
