‘3 Musketjerët’ heqin dorë nga alkooli: Shëndeti mbi të gjitha

Të ftuarit e radhës në emisionin ‘Rudina’ ishin ‘Tre Musketjerët’, këngëtarët e njohur të muzikës ‘rock’, Elton Deda, Redon Makashi dhe Aleksandër Gjoka. Ata kanë folur për jetën e tyre profesionale dhe private. Këngëtarët kanë thënë se këto kohë kanë hequr dorë nga alkooli, sepse duan t’i kushtojnë më shumë rëndësi shëndetit. I pyetur nga ‘Rudina’ se si ka humbur kilogramët e tepërt Eltoni tha: “Kujtuam se do të ndikonim tek Redoni për të pirë më shumë alkool se e pinte dhe ai me ne, por e gjeta veten duke pirë ‘Coca Cola’”. Ndërsa Aleksandër Gjoka ka shtuar me shaka: “Unë jam në dishezë tani, duhet të kujdesem për shëndetin se me aq sa kam pirë do i kem mbushur nja tre autobotë”. Kur vjen puna tek shëndeti të gjithë janë të gatshëm të sakrifikojnë çdo gjë. /revistawho.com