Zbokthi është një nga problemet më shqetësuese për pjesën më të madhe të njerëzve. Shpesh mund të mendoni se keni bërë gjithçka për ta hequr qafe, por ende nuk keni gjetur zgjidhje. Në fakt është paksa e vështirë për të gjetur shkaqet e tij, por më poshtë mund të njiheni me disa prej tyre.
Përdorimi i tepërt i pajisjeve për stilimin e flokëve. Pajisjet stiliuese janë perfekte për të krijuar çdo lloj modeli, por nuk janë aq perfekte për flokët tuaj. Përdorimi i shpeshtë i tyre dehidraton skalpin, duke shkaktuar tharje të lëkurës e më pas zbokth. Kështu duhet të shmangni përdorimin e tepruar të tharëseve të flokëve ose të pjastrave.
Sindroma e vezoreve policistike mund të jetë një nga arsyet kryesore për shkaktimin e zbokthit. Ky lloj zbokthi krijohet nga imbalanca hormonale. Pra nëse keni probleme me hormonet dhe zbokthin në të njëjtën kohë, duhet të konsultoheni me një gjinekolog.
Lëkura e thatë është një shkaktar tjetër i zbokthit. Mungesa e lagështirës ndikon shumë në tharjen e lëkurës, prandaj nuk duhet të harroni të hidratoni skalpin. Për ta mbajtur skalpin të shëndetshëm duhet ta masazhoni me vaj ose të përdorni maskë flokësh të paktën njëherë në javë. /revistawho.com
