Aplikimi i ndërhyrjeve estetike në vende të huaja është një metodë gjithnjë e më e përhapur. Sidomos për çështje kostosh… Por rrugës mund të shfaqen komplikacione jo vetëm mjekësore por edhe doganore. Tre vajza kineze, fundjavën e kaluar fluturuan në Korenë e Jugut, që konsiderohet si parajsa aziatike e kirurgjisë plastike. Tre shoqet, të gjitha 20-vjeçare, kishin kryer ndërhyrje në fytyrë. Ato u paraqitën në aeroport të fashuara dhe me fytyra të enjtura për shkak të operacioneve dhe mbetën të bllokuara. Pasaportat e tyre kishin fotografi që nuk korrespondonin me fytyrat. Fotoja e mëposhtme e tre vajzave që ngecën në doganë është bërë virale në Azi, dhe deri më tani nuk është bërë e qartë se sa kohë kanë qendruar në aeroport e nëse kanë arritur të kthehen në shtëpi./ revistawho.com
