Granit Xhaka përveç se një futbollist i zoti, ka treguar me gjestet e tij se është edhe një partner i dashur dhe i përkushtuar. Në një nga udhëtimet ai e surprizoi të dashurën e tij në mënyrën më specialë të mundshme. Një dhomë e mbushur plot petale trëndafilash dhe një zemër e formuar me to. Por këtë herë është Leonita ajo e cila i ka shprehur partnerit të saj emocionet dhe dashurinë. Në 3 vjetorin e lidhjes së tyre ajo ka zgjedhur t’i kushtojë partnerit të saj disa fjalë emocionuese. “Sot tri vite me ty, e në të ardhmen një jetë të tërë. Faleminderit për këto tre vite të mrekullueshme, në të cilat ishe shoku im më i mirë, dashuria ime dhe partneri im. Të dua përgjithmonë”. Këto kanë qenë fjalët të cilat i ka shoqëruar me një fotografi në kabinat e vjetra telefonike të Londrës, në të cilën Graniti i puth ballin.
