Cristiano Ronaldo dhe Georgina Rodriguez janë transferuar në Arabinë Saudite pasi portugezi vendosi të nënshkruajë për Al Nassr. Çifti, i cili prej një muaji ndodhet në Riad, po qëndron përkohësisht në një hotel në pritje të dorëzimit të banesës së re. Sipas Daily Mail, Georgina dhe Cristiano kanë marrë me qira gjithsej 17 dhoma luksoze mes katit 48 dhe 50 për një total prej 3150 euro/natë në hotelin Four Seasons Riyadh. Kjo është një shifër që shumë pak mund ta përballonin, por marrëveshja e re fitimprurëse e Ronaldos prej 200 milionë eurosh i lejon atij të gëzojë komoditete të tilla. Çifti janë vendosur në Kingdom Suite, një dhomë prej 350 metrash katrorë që shtrihet në dy kate. Suita ka një banjë gjigante me pajisje, me lavaman të dyfishtë, me xhakuzi dhe dush. Hoteli ka aplikuar një protokoll të veçantë sigurie që askush të mos shqetësojë yllin e futbollit apo familjen e tij.
