Zayn nuk është ndarë aspak mirë me miqtë e tij të ish-grupit “One Direction” dhe këtë e ka vërtetuar së fundmi edhe Harry Styles. Mbrëmjen e djeshme këngëtari ka qenë i ftuar në “Saturday Night Live”, ku luajti jo vetëm rolin e muzikantit, por edhe të drejtuesit të spektaklit. Në monologun e tij hapës, Harry thumboi publikisht Zayn duke mos e përmendur bashkë me emrat e tjerë të djemve të grupit “One Direction”. “I dua këta djem. Ata janë vëllezërit e mi. Niall, Louis, Liam dhe mmm oh, Ringo”, është shprehur Harry. Sigurisht që të gjithë e vunë re faktin që ai nuk përmendi emrin e Zayn dhe fansat filluan menjëherë të flisnin në rrjete sociale. Në këtë mënyrë Harry e ka krahasuar Zayn edhe me bateristin e “Beatles”, i cili njësoj si këngëtari i njohur u largua i pari nga grupi në vitin 1968 kur ata kishin një lloj tensioni mes tyre.
We’re taking things to the next level with @Harry_Styles. #HarryOnSNL pic.twitter.com/25Ln0FJCTb
— Saturday Night Live – SNL (@nbcsnl) November 17, 2019
Pasi Zayn hoqi dorë nga “One Direction” ai vazhdoi i vetëm karrierën solo, ndërsa katër djemtë e tjerë mbajtën grupin të bashkuar derisa publikuan albumin e tyre të fundit në vitin 2015. /revistawho.com
