Ndoshta 5 janë pak, por ne po rreshtojmë 5 të parat, me shpresën që të tjerat do t’i vazhdoni ju. Po flasim për Aurela Gaçen dhe besojmë se të gjithë, pavarësisht grupmoshave, do ta gjeni diçka për ta shkruar për të…
- Dhe ja ku erdhëm tek arsyeja e parë. Aurela është e pakohë, ajo nuk i takon vetëm njërit, apo tjetrit brez. Me krijimtarinë e saj, Aurela ka përfshirë çdo brez. Edhe ata më të vegjëlit, ja psh: Kur doli kënga “Fustani”, tri vogëlushe pranë zyrave tona e këndonin çdo ditë, derisa na e mësuan edhe ne përmendësh.
- Këndon çdo trevë, çdo muzikë, edhe operistike po deshët. Megjithëse është diplomuar për aktrim, Aurela Gaçe ka zotësintë të përshtatet me çdo lloj muzike, qoftë kjo e lehtë, popullore, rrok, etj. Ata që e kanë ndjekur në performancat e saj, e kuptojnë shumë mirë për çfarë e kemi fjalën.
- Është ndër të vetmet artiste që angazhon një trupë të tërë për të dhuruar spektakël të vërtetë dhe 100% live. Nëse të tjerë e kanë zgjidhur karrierën e tyre, me usb, me baza, apo me 2-3 instrumente, Aurela Gaçe ka ndërtuar skuadrën e saj, që përfshin orkestrën, këngëtarët shoqërues, foninë, ndriçimin, madje dhe skenën.
- Ka stilin e saj dhe nuk i plas fare për të tjerët. Ata që kanë punuar me të e dinë mirë çfarë do të thotë kur Aurela vendos: e dua kështu. Nëse nuk realizohet nga stilistët, apo grimierët është e sigurtë që do të ndërhyjnë duart e saj, për të sjellë në fund rezultatin me të cilin ajo ka më shumë se 20 vite që prezantohet.
- Nuk ka frikë ta thotë troç mendimin e saj dhe kjo është një nga arsyet që e mban edhe më të lidhur me publikun. E keni parë instagram-in, apo facebook-un e saj. Nëse jo, bëjeni tani dhe do ta kuptoni se për çfarë e kemi fjalën.
Jemi të sigurtë, që kjo lista mund të përfundonte nesër. Por nuk duam të bëjmë një vëllim të dytë të romanit 1001 netë, me 1001 arsye pse Aurela është Aurela. Ajo thjesht është dhe PIKË. / revistawho.com
