Në përrallat klasike princeshat portretizohen si vajzat delikate që presin princin e kaltër për të kaluar një jetë të lumtur. Ndërkohë gratë e familjes mbretërore britanike vështirë t’i përshtaten këtij modeli. Në fakt ato janë drejtueset e vërteta të monarkisë. Kjo nuk vjen prej faktit se drejtuesja aktuale është Mbretëresha Elizabeth, por sepse gratë e familjes mbretërore kanë vlera të vërteta udhëheqëse. Ato janë më shumë të lidhura me popullin, merren me çdo punë dhe tërheqin vëmendjen e të gjithëve në çdo dalje publike. Më poshtë do të gjeni 5 arsye përse gratë e familjes mbretërore cilësohen si drejtueset e vërteta:
- U japin mesazhe dhe kurajo njerëzve
Princeshë Diana jo më kot quhej princesha e popullit, sepse gjatë jetës së saj ka mbështetur kauza të ndryshme. Ajo ka hapur e para një qendër për të sëmurët me sida në Britani dhe vizitonte shpesh të pastrehët me dy djemtë e saj.
- Kanë gjithmonë ide të reja
Në fillim ishte ideja e Kate Middleton që të krijonte një fushatë bashkë me Princin William për luftuar stigmat dhe për të promovuar rëndësinë e shëndetit mendor.
- Nuk kanë frikë të thyejnë rregullat
Dukesha Meghan Markle ka thyer një sërë rregullash të përcaktuara në protokoll. Që ditën e martesës, Meghan fitoi vëmendjen për thyerjen e rregullave si zhvillimi i ceremonisë ditën e dielë dhe jo në ditë jave, apo mbajtja e duarve të kapura me partnerin e saj, Princin Harry.
- Janë të njohura ndërkombëtarisht
Gjithmonë ka pasur interes për pjesëtarët e familjes mbretërore, por kur vjen puna tek Mbretëresha Elizabeth, Kate Middleton apo Meghan Markle ndryshon puna. Njerëzit janë të interesuar të dinë gjithçka rreth tyre duke filluar nga veshjet e deri tek detajet më të vogla.
- Ato përshtaten me ndryshimet
Gratë e familjes mbretërore dinë si të përshtaten me kohën edhe nëse bëhet fjalë për mjedisin politik apo komunikimin me publikun. Princesha Eugenie dhe motra e saj Beatrice kanë krijuar një llogari në ‘Twitter’ për të komunikuar me ndjekësit dhe për të promovuar fushatat e bamirësisë apo organizatat. Gjjithashtu Eugenie ka hapur edhe një llogari në ‘Instagram’, duke u bërë e para pjesëtare e familjes mbretërore me një profil të sajin personal në këtë rrjet social. /revistawho.com
