Të shtunën Universiteti i Arteve mirëpret të gjithë nostalgjikët e muzikës, në një koncert ku fuqinë e kanë gratë e vajzat. Me iniciativë të gazetares Kozeta Kurti, këngëtare si Liliana Kondakçi e Myfarete Laze, Irma dhe Eranda Libohova, Rovena Dilo e Alida Hisku, Aurela Gaçe e Manjola Nallbani, Eneda Tarifa e Era Rusi, etj do të sjellin disa prej hiteve në vite. Arsyet kryesore pse duhet të ndiqet ky koncert janë:
1-Për menunë e ushqimit shpirtëror që ofron
2-Për rikthimin në skenë të disa këngëve të harruara, shkëputur nga repertori i Afërdita Zonjës apo Ema Qazimit etj.
3-Për raportin e shkëlqyer midis brezave të artisteve të këngës
4-Për kujtimet e bukura që publiku ka me secilën prej këngëve të përfshira në repertor.
5-Për mirënjohjen ndaj kontributit të secilës prej artisteve në krijimin e fondit të artë të muzikës së lehtë shqiptare
Dhe mbi të gjitha sepse gjithçka luhet live nga një skuadër prej 20 instrumentistësh. Për të gjithë ata që s’kanë mundur të sigurojnë një biletë për të shtunën, koncerti do të transmetohet në Digitalb, disa javë më vonë./revistawho.com
