Cilat janë gabimet e shpeshta stilistike që bëjnë femrat në veshje? Jo vetëm ti, por edhe shumë femra të showbiz-it bien në të tilla gabime që ndalojnë zhvillimin e mëtejshëm të stilit.
1.Masa e gabuar
Je e sigurt që e di se cilat janë rrobat që të bëjnë e ato që nuk të bëjnë? Shumica e femrave nuk e dinë masën e tyre fikse dhe në shumë raste dështojnë me veshjet e tyre. Ose shumë të ngushta, ose shumë të gjera, këto rroba mund të shkatërrojnë look-un.
Tip: Kur të vizitosh dyqanin e parë pasi të lexosh këtë shkrim, kërko nga shitësja të të ndihmojë për të gjetur masën tënde fikse. Është mënyra më e thjeshtë për të mos rrënë sërish në kurthin e masës.
2.Mosguximi
Shumë femra i qëndrojnë besnike veshjeve që mendojnë se iu bëjne e iu shkojnë. Xhinset, bluzat, t-shirt, fustani i zi janë disa nga veshjet që kanë vend të përhershëm në gardërobë. Por, mos ka ardhur momenti për të provuar diçka ndryshe?
Tip: Shiko tendencat e fundit të modës dhe zgjidh cila nga ato të shkon më shumë. Më pas mundohu që ta përvetësosh këtë trend, pa dalë nga stili jot.
3.Takat e larta
Takat e larta janë shumë të bukura e seksi, por kur di të ecësh mbi to. Nuk ka gjë më të tmerrshme se sa një femër që mundohet të ekuilibrojë mbi takat e larta në përpjekje për mos rënë.
Tip: Preferoni takat mesatare deri në 8 cm, të trasha. Është mirë që ecja jote kurdoherë të duket e sigurtë dhe chic.
4.Jepi kujdes detajeve
Detajet bëjnë diferencën. Nëse preferon të vishesh me rroba njëngjyrëshe pa i kombinuar ato me aksesorët, atëherë stili jot do të jetë i zymtë.
Tip: Mos dil nga shtëpia pa i dhënë dritë veshjes tënde me një aksesor të veçantë. Nuk e kemi fjalën për ekzagjerime, por për diçka që do e tregojë look-un tënd të kuruar.
5.Mungesa e vetëbesimit
Nuk ka kuptim të veshësh një fustan pas trupit, nëse nuk ndihesh mirë brenda tij.
Tip: Rregulli kryesor i pashkruar për stili e femrës është të veshë gjithmonë veshje të cilat i zgjedh vetë.
