Modelja e njohur Gigi Hadid ka qenë shumë e suksesshme dhe muaji që lamë pas ishte vërtet i rëndësishëm për të, në aspektin profesional. Sfilatat në Milano, Paris dhe New York bënë shumë bujë dhe Gigi shkëlqeu. Por ja disa gjëra që nuk i dini për modelen me famë botërore:
- Emri i saj i vërtetë është Jelena Noura Hadid. Pseudonimin Gigi ja ngjiti mamaja e saj, Yolanda Foster, e cila ishte thërritur në fëmijëri po ashtu nga mamaja e saj. Gigi tregon se në fillore ishte dhe një vajzë me emrin Jelena dhe mësuesja për mos t’i ngatërruar pyeti mamanë e Gigit se si ta thërriste, kështu asaj i mbeti ky emër.
- Edhe pse Hadid nënshkroi kontratën e saj të parë me ‘IMG Models’ kur ishte 17 vjeç, karriera e saj ka filluar shumë më herët. Ajo u pikas në moshën 2-vjeçare nga Paul Marciano i ‘Guess’ dhe kështu filloi sfilatat për fëmijë.
- Kur ishte në të dhjetat e la modelingun pas dore për t’u fokusuar tek sportet. Ajo ishte shumë e mirë në gara me kuaj dhe në volejboll.
- Hadid dhe Kendall Jenner janë më shumë se shoqe të ngushta. Të dyja kanë patur të njëjtin njerk.
- Në 2013 ajo ka filluar studimet për psikologji kriminale. Shpreson që t’i mbarojë kur të jetë 23-vjeç dhe të jetë e suksesshme në të dyja pasionet e saj njëkohësisht.
