- “Nuk është nevoja të hakmerreni. Lëreni karmën të bëjë punën e saj”
Na ndodh shpesh që në jetën tonë të përditshme të përballeni me njerëz të cilët kanë një karakter paksa të ashpër. Ndonjëherë nuk është zgjedhja jonë, ndonjëherë jemi të “detyruar” për hir të një marrëdhënieje pune apo një situate të paparashikuar por e sigurtë është që gjithsecili prej nesh e ka patur një përballje të tillë. Ndoshta je irrituar deri në pikën që të heqësh dorë nga puna pasi shefi yt ka një natyrë të tillë, dhe ty padyshim të është kthyer puna në ferr. Mos e bëj pa lexuar më parë pesë mënyrat sesi të sillemi në situata të tilla.
Sigurisht ne nuk po synojmë të ndryshojmë karakterin e një njeriu por ama mund t’ju japim disa këshilla sesi të reagoni nëse ju duhet të përballeni me një njeri të kësaj natyre.
- Mos ju përgjigj me të njëjtën “monedhë”
Sipas disa psikologëve, njerëzit me karakter të tillë janë shumë të dobët emocionalisht dhe vuajnë nga mungesa e vemendjes. Nëse do t’i përgjigjeshit me të njejtën mënyrë thjesht do të krijoni një situatë edhe më negative dhe askush nuk do të dilte “i fituar nga kjo betejë”. Provoni t’i jepni atyre emicione pozitive! Nëse arrin ta bësh këtë padyshim do të jesh punonjësi i preferuar i shefit tënd, apo mikesha më e dashur nëse i referohemi një marrëdhënieje sociale.
- Mos e merr personale
E dimë, tingëllon si një klishe por është e vërtetë. Njerëzit me natyrë të ashpër nuk e kanë me ata që i rrethojnë por në të vërtetë e kanë me veten e tyre. Kjo ju vjen si pasojë e një situatë të vazhdueshme e cila i ka prodhuar pakënaqësi të akumuluar. Këtë pakënaqësi, natyra të tilla e shfaqin kudo dhe me këdo. Në fakt të gjithëve na ka ndodhur njëherë në jetë të kemi bërë një veprim apo të kemi thënë një fjalë pa e patur personale me njeriun që kemi përballë. Por pyetja lind, si të sillemi nëse dikush na drejtohet ashpër pa të drejtë?! Nuk do ta marr personale po pastaj?! Përgjigja është “vriti me dhembshuri”. Njerëzit me karakter të ashpër “vdesin” për njerez të dhembshur.
- Jepi hapësirën e duhur
Kur themi hapësirën e duhur nuk do të thotë t’i mbani ata sa më larg të jetë e mundur. E dimë ky është mendimi i parë që ju vjen ndër mend por i referohemi rasteve kur keni një lidhje emocionale, apo materiale. Lërini të rrinë vetem. Kanë nevojë për hapësirën e tyre. Ndonjëherë kundërpërgjigjia juaj mund t’i shkaktojë atyre edhe panik, kështu që largohuni por jo përgjithmonë.
- Bëni batuta me humor
Persona me natyrë të tillë nuk kanë dëshirë që ju të gjykoni njerëz të tjerë qoftë edhe me shaka. Kështu që, nëse do ju duhet të bëni humor mendohuni që në qëndër të vemendjes mos të jenë individë të tjerë por situata qesharake. Bëni humor me situatën dhe jo me individë. Batuta të tilla do t’i bënin ata më të qeshur dhe të dashur.
- Krijoni afrimitet
E cilësuam që në fillim që persona të tillë vuajnë nga mungesa e vemendjes. Mundohuni të krijoni afrimitet me ta. Në ç’kuptim? Duhet të ketë gjithmonë një temë të cilën ata/ato e konsumojnë vetëm me ju. Krijojini atyre kushtet që të paktën për këtë temë të shprehen lirshëm me ju, dhe do të shihni që sjellja e tyre do të ndryshojë.
