Problemet gjatë shtatzënisë janë të shumta duke filluar nga marrje mendsh, të vjella apo lodhje. Gratë shtatzëna gjithmonë marrin rekomandime se çfarë duhet dhe nuk duhet të konsumojnë gjatë asaj periudhe. Çdo gjë që nëna konsumon ka një impakt të drejtpërdrejtë tek fetusi. Gratë shtatzëna duhet të qëndrojnë gjithmonë të hidratuara dhe duhet që lëngjet të jenë pjesë e ditës së tyre. Këtu do të gjeni disa lëngje që janë të shëndetshme jo vetëm për nënën por edhe për fëmijën që pritet të vijë në jetë.
Qumështi- Rekomandohet gjithmonë pirja e qumështit gjatë shtatzënisë për shkak se është i pasur në kalcium, Vitaminë B12 dhe proteinë.
Ujë kokosi- Gjatë shtatzënisë është e rëndësishme të riktheni elktrolitet dhe kripat minerale në trup, duke qenë se një pjesë e madhe e tyre humbasin kur djersisni dhe fëmija ke nevojë akoma dhe më shumë për to.
Lëng karrote- Gratë shtatzëna duhet të konsumojnë lëng karrote përditë duke qenë se është i pasur në Vitaminë C dhe antioksidantë, që ndihmojnë në prodhimin më të mirë të qelizave të kuqe.
Ujë- Uji është pija më e rëndësishme gjatë 9-mujave të shtazënisë. Duhet të rrisni patjetër konsumimin e ujit gjatë shtatzënisë duke qenë se pini sa për dy trupa. Gjithashtu uji do t’u ndihmojë për të pasur sa më pak probleme me të vjellat apo marramendjen.
Smoothie- Këto pije janë ideale për ju për të marrë vitaminat e nevojshme, mineralet dhe proteinat. Zgjidhni frutat tuaja të preferuar dhe pak kos ose qumësht dhe i përzieni së bashku për të bërë një smoothie të shijshëm. /revistawho.com
