Nëse nuk keni një partner për të ndarë dashurinë, ju mund të gjeni ngrohtësi në një libër të bukur, shoqëruar me një filxhan çokollate, nën një batanije për të mbajtur trupin dhe zemrën tuaj të ngrohtë.
“Pride and Prejudice” nga Jane Austen
Nëse je një prej atyre që mendon se dashuria është për zemrat e dobëta ky libër është për ju. Kur një personalitet i ndërlikuar dhe i fortë, siç është Z.Dartcy bie poshtë përpara një Elizabeth mjaft të thjeshtë, por të zgjuar. Ky roman i ka të gjitha. Një udhëtim për zbulimin e vetvetes, dilema morale me të cilat ballafaqohemi çdo ditë dhe në fund sfidojmë të gjitha barrierat kulturore për dashurinë, sepse dashuria triumfon mbi të gjitha. Ky roman klasik nga Austen është një nga të preferuarit e kritikëve të të gjitha kohërave dhe vazhdon të jetë tepër i rëndësishëm në epokën e sotme.
“A Walk to Remember” nga Nicolas Sparks
Një histori dashurie mes Landon dhe nxënëses së shkollës së mesme Jamie, do t’ju bëjë të mendoni për fuqitë e dashurisë. Kur Landon fton Jamien në ballo si fillim ai është i frikësuar, por ajo e cila ndodh më vonë e bën atë të bjerë në dashuri. Kjo novelë shpjegon ndjesitë që përjeton një njeri pasi ka humbur personin e zemrës.
“The Notebook” nga Nicolas Sparks
Edhe nëse partneri juaj nuk ju njeh më, dashuria juaj për ata nuk vdes kurrë, sepse ajo ështe e pavdekshme. Në këtë gur të çmuar nga Nicolas Sparks, do të kuptoni sa larg mund të shkosh për dashurinë. Ai i tejkalon të gjitha kufijtë sepse në fund të fundit ajo e cila ka më shumë rëndësi është se ata janë këtu për njëri-tjetrin. Një histori e Noeut dhe Allias të cilët plaken së bashku, pasi kanë luftuar për dashurinë e tyre dhe 14 vitet e ndarjes.
“The Fault in Our Stars” nga John Green
Megjithëse ky është një roman i ri, me plot bindje cilësohet si epiteti i romancës. Hazel dhe Augustus, takohen në një grup mbështetje për pacientët e diagnostikuar me kancer. Aty kuptojnë se janë duke u kënaqur me praninë e njëri-tjetrit. Augusti bën të mundur që Hazel të takohet me autorin e saj të preferuar, duke i plotësuar dëshirën e madhe. Kur Hazel zbulon se kanceri i Augustit është rishfaqur, asaj i thyhet zemra.
“Devdas” nga Sarat Chandra Chattopadhyay
Autori ishtë vetëm 17 vjeç kur shkroi këtë vepër. Devdas dhe Parvati ishin miq që në fëmijëri, por u ndanë kur Dev u largua nga fshati për të studiuar në Kalkutë. Kur ai kthehet historia e tyre e dashurisë fillon të lulëzojë, por rrethanat fatkeqe dhe dallimet shoqërore bëhen telashe për ta. Ai shqyrton tërësisht dilemën morale midis dashurisë dhe familjes, duke e bërë lexuesin të ngelet i hutuar. / revistawho.com
