5 rregullat bazë të bukurisë pas të dyzetave

Që në moshën e mesme të ruani bukurinë dhe pamjen rinore, ju sjellim pesë këshilla të thjeshta dhe shumë praktike të cilat do t’ ju ndihmojnë shumë .
Ushqimi i shëndetshëm
Trupi juaj, lëkura, flokët dhe thonjtë do t’ju jenë shumë mirënjohës për këtë .
Ju nevojitet ushqimi i rregullt duke konsumuar shumë pemë dhe perime, si dhe ujë .
Le të jenë ushqimet tuaja nga përbërësit natyralë.
Shumë nga ju do të mendoni se kjo është më lehtë të thuhet se sa të bëhet dhe është e vërtetë, por ju këtë e meritoni.
Ruajtja nga dielli
Nëse me vite keni dalë para diellit, apo edhe solariumit, do të kishte qenë mirë të ndaloni këtë praktikë .
Përveç që shumë herët do t’ju shfaqen rrudhat, ekziston mundësia edhe të fitoni kancer të lëkurës.
Përdorni krem mbrojtës dhe syze prej të 30-tave
Kremin me faktor mbrojtës mbajeni në çantë dhe vendoseni në fytyrë disa herë në ditë .
Mirëmbajtja e fytyrës
Kjo duhet t’ju bëhet rutinë .
Pastrimi I fytyrës dhe përdorimi i kremave hidratues para gjumit dhe në mëngjes le të bëhet rregull.
Grave shpesh ju ndodh të shkojnë në gjumë pa e hequr grimin, e sidomos nëse kanë pasur ditë të ngarkuar.
Duhet gjithmonë të paktën letrat e lagura t’i keni afër.
Letrat e lagura nuk do ta fshijnë fytyrën thellë, por edhe kjo është më mirë se sa të flini me pudër, maskarë dhe buzëkuq.
Grimi mbyll poret dhe than fytyrën, me rëndësi është që në gjumë të shkoni të pastër dhe të freskët.
Në mëngjes gjithsesi përdorni krem hidratues, me mundësi me faktor mbrojtës, e përveç fytyrës me të lyeni edhe qafën e duart.
Më pak del më shumë
Nëse e keni dashur grimin e rëndë , tani është koha ta ‘lehtësoni’pak.
Shpesh lyerja e tepërt mund të jap përshtypje se jeni më e moshuar se sa në të vërtetë.
Ruajeni tonin dhe mirëmbani lëkurën. Kur keni ton të mirë dhe lëkurë të mirëmbajtur, shpesh mjafton një maskarë dhe dukja juaj të jetë edhe më e mirë.
Filloni nga brenda
Me ushqim të rregullt dhe ruajtje nga dielli, duke përfshirë edhe ushtrime i lëshoni endofinet të qarkullojnë dhe të ‘bëjnë ’ të veten.
Nuk ka asgjë më tërheqëse sesa fytyra e relaksuar dhe buzëqeshja/ Revista Shije/