Diçka ka ndryshuar në sjelljen e partnerit tuaj së fundmi dhe ju jeni shqetësuar se mbase ka filluar që të mos iu dojë. Ju mund t’i dalloni shumë thjesht këto shenja kur marrëdhënia ka marrë fund, por nëse i shihni që më parë këto shenja mund të jetë një sfidë për marrëdhënien dhe mbase mund ta shpëtoni.
Njerëzit pëlqejnë të mendojnë se ne jemi specie monogame, por e vërteta është ndryshe. Megjithatë, ideali i dashurisë romantike është diçka të cilën e dëshirojmë. Shkencëtarët po kërkojnë në aftësinë tonë për të ndërtuar dhe për të prishur marrëdhënie si një mjet për evolucion.
Një studim në Review of General Psychology ka zbuluar se për shkak se dashuria romantike është një tipar tipik i species njerëzore, të gjithë njerëzit mund të kenë një lloj pajisjeje mendore që përdoret njëkohësisht për të rënë në dashuri si dhe për të përfunduar një marrëdhënie.
Ata besojnë se ne mund të kemi zhvilluar aftësinë për të rënë në dashuri dhe për të mos dashur më, në mënyrë që të gjejmë partnerët më të përshtatshëm për t’u riprodhuar. Sipas tyre, të jemi në gjendje të mos duam më do të thotë se vazhdojmë të shohim për një partner gjenetik për të pasur fëmijë me të.
Por cilat janë shenjat që tregojnë se partneri juaj ka filluar të mos iu dojë më?
1. Më pak kohë e shpenzuar për argëtim së bashku
Sigurisht, partneri juaj shpenzon kohë me ju, por kur del për kënaqësi apo për t’u argëtuar është me njerëz të tjerë dhe jo me ju. Koha që shpenzoni bashkë është gjumi, e ngrëna dhe punët e përditshme.
Bëjeni prioritet tuajin të organizoni kohën për të kaluar momente argëtuese me partnerin. Përpiquni ta bëni atë të qeshë dhe bëni çfarë atij i pëlqen të bëjë.
2. Nuk ndani emocionet me njëri-tjetrin
Nuk e keni idenë se përse partneri juaj është i shqetësuar, i depresuar apo në ankth dhe ai apo ajo nuk do t’iu hapet kurrë për emocionet tuaja. Nëse partneri iu lë të hamendësoni për ndjenjat e tij është një shenjë se mbase po rresht së dashuri.
Tradhëtia emocionale ndodh shpesh përpara asaj fizike. Gjenduni afër partnerit tuaj për ta këshilluar dhe për ta ndihmuar që të merret me emocionet e tij.
3. Më pak prekje se më parë
Lidhja fizike është një nga më të rëndëisshmet e një marrëdhënieje dashurie sepse është ajo çfarë e bën marrëdhënien intime. Ndryshimet në sasinë e puthjeve, përqafimeve, përkëdheljeve etj., janë shenjë se partneri juaj po fillon mos t’iu dojë.
4.Partneri juaj ka filluar të bëjë diçka të re/ndryshe
Ndryshimi është i keq kur dyshoni që partneri juaj ka filluar që të mos iu dojë. Ndryshim mund të thotë dikush tjetër. Në vend që të prisni mund të hidheni në veprim, nëse partneri po tregon këtë shenjë.
Ndryshimi në peshë, në pamje dhe në hobi janë të gjitha shenja të këqija. Kur një partner ka në mend të ndahet ata shpesh gjejnë një partner zëvendësues përpara se t’i japin fund marrëdhënies. Ndryshimet në sjellje do të thonë se po përpiqen të kënaqin një partner të ri romantik.
5. Flisni më pak se më parë
Partneri juaj iu pyeste gjithmonë si e kaluat ditën, por tani duket sikur nuk i bëhet shumë vonë për ju. Kur kujdesemi për dikë e pyesim shpesh, sepse duam të dimë për partnerin tonë. Është një shenjë se partneri juaj ka filluar të mos iu dojë nëse nuk iu pyet më si dikur.
Nëse ka filluar t’iu shqetësojë kjo shenjë, atëherë pyeteni ju partnerin se si e ka kaluar ditën. Mos flisni aspak për veten. Në vend të kësaj, bëjini shumë pyetje dhe dëgjojeni me vëmendje. Shumica e njerëzve nuk duan thjesht të dëgjohen, por të kuptohen plotësisht dhe thellësisht.
