Shumë prej problemeve shëndetësore janë simptoma të një shkaku të fshehtë, stresi. Presioni i vazhdueshëm mund të jetë shkatërrues për shëndetin duke rritur pa pushim hormonet e adrenalinës dhe kortizolit. Këto hormone përgatisin trupin kur jeni në aktivitet, por kur ato janë në nivele të larta për një kohë të gjatë mund të shkaktojnë rritje të presionit të gjakut. Ja disa prej shenjave alarmante për te cilat ju duhet të bëni kujdes sipas ‘Healthy-life’:
1-Dhimbja e veshit. Shumë prej pacientëve ankohen nga dhimbja e veshit edhe pse nuk ekziston asnjë infeksion në të. Ata gjithashtu mund të kenë dhimbje koke, nofulle. Kjo shkakton dhe shtrëngimin e dhëmbëve me njëra tjetrën duke i dëmtuar.
2-Intolerancat e ushqimit. Kur trupi zbulon një rrezik edhe nëse është imagjinar, gjaku largohet nga zorrët dhe shkon tek muskujt për t’iu përgatitur për ‘aksion’. Enzimat e stomakut pakësohen dhe kështu aktiviteti i stomakut bie. Hormonet e stresit shkaktojnë gjithashtu dhimbje të stomakut dhe diarre. Zorrët bëhen aq të ndjeshme sa që më pas, shumë ushqime nuk mund të përthithen.
3-Shikim i mjegulluar. Hormonet e stresit zmadhojnë bebet e syrit në mënyrë që të hyjë sa më shumë dritë.
4-Shtimi në peshë. Hormonet e stresit rrisin sasinë e glukozës në gjak, për të rritur kështu energjinë tuaj kur jeni në një aktivitet. Por kur problemi është psikologjik sasia e glukozës depozitohet në trup dhe shndërrohet në dhjam.
5-Energji e pakët. Stresi ka ndikim të madh në gjumë. Ai ju prish regjimin e gjumit dhe kështu ju ndiheni më të lodhur e keni më pak energji./revistawho.com
