5 shkaqet kryesore që s’kanë lidhje me kancerin dhe sjellin krijimin e kokrrave të forta në gjinj

Formimi i një gunge në gjoksin e femrës nuk paralajmëron gjihtmonë praninë e kancerit të gjirit. Ka një sërë arsyesh përse këto gunga jo kanceroze shfaqen dhe më poshtë Living do të listojë 5 shkaqet kryesore.
1. Ju keni gjinj të fortë
Gjinjt janë një kombinim i indeve yndyrore dhe indeve lidhëse. Gratë me gjinj më të dendur( më të fortë) kanë më shumë inde lidhëse dhe më pak inde yndyrore.
Dy të tretat e grave para menopauzës dhe një e katërta e femrave pas menopauzës kanë inde të dendura të gjirit. Në një mamografi tradicionale, kjo mund të jetë shumë e vështirë për t’u treguar duke lënë mjekët të dyshojnë për kancer, por një kthim pas në kohë sesi kanë qenë gjinjtë tuaj në të 20 a 30-at do t’ju bënin të kuptonit këto gunga.
2. Ju keni tumor jo kanceroz
Lexoni më shumë në këtë link mbi: Fibroadenomat, tumori i gjirit që prek femrat në të 30-at, ja simptomat & shkaktarët
3. Cistet
Ndryshimet në indet e gjirit të shkaktuara nga cistet janë të zakonshme dhe nuk paralajmërojnë asgjë të keqe. Ndryshimet e gjirit fibriocistik prekin rreth 60 për qind të grave, pra është më e zakonshme nga se mendoni. Cistet janë të rrumbullakëta, të lëvizshme, të mbushura me lëng. Për fat të mirë, ato mund te zhduken duke kufizuar kafeinën dhe nikotinën.
4. Mpiksje gjaku
Edhe pse e rrallë, në gji mund të formohet një kokërr si pasojë e sëmundjes Mondori si rezultat i një tromboflebiti sipërfaqësor (pra, koagulimi i gjakut në venat nën lëkurë)
5. Cikli menstrual
Ndryshimet hormonale gjatë ciklit menstrual ose edhe shtatzënisë mund të shkaktojnë fryrje dhe forcim të gjoksit. Sipas Institutit Kombëtar të Kancerit, është normale të ndjesh gunga dhe gjatë ciklit menstrual në sajë të lëngjeve shtesë në gjoks për shkak të hormoneve. /Living