5 shqiptarë të plagosur nga tërmeti në Itali. Rrëfimi i murgeshës

Mbërrijnë lajmet e para për shqiptarët e plagosur nga tërmeti i fuqishëm në Itali, i cili deri tani raportohet se shkaktoi 38 viktima dhe qindra të tjerë të plagosur. Mediat italiane, raportojnë se nga tërmeti kanë mbetur të plagosur pesë shtetas shqiptarë, emrat e të cilëve nuk janë bërë ende publikë. Sipas mediave italiane, shqiptarët e plagosur janë transportuar me një helikopter nga zona e shkatërruar në Amatrice. Gjatë mëngjesit, raportohet se janë transportuar nëntë persona të plagosur, pesë prej të cilëve shqiptarë. Një nga të plagosurat, një grua shqiptare u dërgua me urgjencë në sallën e operacionit, për ndërhyrje kirurgjikale. Mjekët theksojnë se asnjë prej tyre nuk është në rrezik për jetën. Teksa nga qyteti i zhdukur Amatrice, tre murgesha u shpëtuan nga ekipet e shpëtimit. “Dëgjova se çdo gjë filloi të dridhet, u ngrita me vrap nga krevati me shpresën për të shpëtuar, tha Motra Mariana, 32-vjeçarja shqiptare, e cila fatmirësisht ia ka dalë.